【十月花胎(病子歌)】
男:正月算來啊囉 桃花開 女:娘今病囝伊著 無人知
男:君今問娘仔囉 愛食啥物喔
女:愛食彼號山東的香水梨喔
男:愛食我來買喔 女:你買予我食 男:哎喲俺某仔喂
男:二月算來啊囉 田草青 女:娘今病囝你著 面青青
男:君今問娘仔囉 愛食啥物喔
女:愛食彼號鮮蚵閣來拍生
男:愛食我來買喔 女:你買予我食 男:哎喲俺某仔喂
男:三月算來啊囉 人佈田 女:娘今病囝你著 心艱難
男:君今問娘仔囉 愛食啥物喔
女:愛食彼號紅酒較大phin5
男:愛食我來買喔 女:你買予我食 男:哎喲俺某仔喂
男:四月算來啊囉 日頭長 女:娘今病囝你著 面帶黃
男:君今問娘仔囉 愛食啥物喔
女:愛食彼號仙草滴白糖
男:愛食我來買喔 女:你買予我食 男:哎喲俺某仔喂
男:五月算來啊囉 人扒船 女:娘今病囝你著 心憂悶
男:君今問娘仔囉 愛食啥物喔
女:愛食彼號五香的雙糕潤
男:愛食我來買喔 女:你買予我食 男:哎喲俺某仔喂
男:六月算來啊囉 是夏天 女:娘今病囝你著 心傷悲
男:君今問娘仔囉 愛食啥物喔
女:愛食彼號新出的紅荔枝
男:愛食我來買喔 女:你買予我食 男:哎喲俺某仔喂
男:七月算來啊囉 秋風來 女:娘今病囝你著 心礙礙
男:君今問娘仔囉 愛食啥物喔
女:愛食彼號豬肺炒王梨
男:愛食我來買喔 女:你買予我食 男:哎喲俺某仔喂
男:八月算來啊囉 是中秋 女:娘今病囝你著 面憂憂
男:君今問娘仔囉 愛食啥物喔
女:愛食彼號麻豆的文旦柚
男:愛食我來買喔 女:你買予我食 男:哎喲俺某仔喂
男:九月算來啊囉 九葡萄 女:娘今病囝你著 無奈何
男:君今問娘仔囉 愛食啥物喔
女:愛食彼號羊肉炒黑棗
男:愛食我來買喔 女:你買予我食 男:哎喲俺某仔喂
男:十月算來啊囉 人收冬 女:囝兒落塗腹肚空
男:君今問娘仔囉 愛食啥物喔
女:愛食彼號麻油炒雞公
男:愛食我來買喔 女:你買予我食 男:哎喲俺某仔喂
