【心肝寶貝】作詞:李坤城 作曲:羅大佑
月娘光光掛天頂 嫦娥佇遐蹛
你是阮的掌上明珠 抱著金金看
看你度晬 看你收瀾 看你咧學行
看你會走 看你出世 相片一大疊
輕輕聽著喘氣聲 心肝寶貝囝
你是阮的幸福希望 斟酌共你晟
望你精光 望你才情 望你趕緊大
望你古錐 健康活潑 毋驚受風寒
鳥仔風吹 攏總會飛 到底為啥物
魚仔船隻 攏是無跤 按怎會徙位
日頭出來 日頭落山 日頭對佗去
春天仔的花 愛食的蜂 伊是佇佗位
鳥仔有翼 風吹有線 才會天頂飛
魚仔有尾 親像行船 希望著愛揣
日頭出來 日頭落山 日子攏按呢過
花謝花開 天暗天光 仝款的問題
文章標籤
全站熱搜
留言列表