唱歌抐曲tshiùnn kua lā khik(台語歌詞分享)

【青春悲喜曲】作詞：陳達儒 作曲：蘇桐

公園路 月暗暝 東爿只有幾粒星

伴著阮 目屎滴 毋敢出聲獨看天

想彼時雙人 結合好情意

想今日身軀 毋是普通時

口白：

阮無來離開病院的かいご的生活，是袂用的啦，

阮是信賴你的話，信賴你的人格，但是現在的我

已經毋是普通的身軀囉

公園邊 杜鵑啼 更深露水滴白衣

心憂悶 無元氣 煩惱身中的囝兒

為難事毋敢 對人亂講起

阮運命現在 親像在水墘

口白：

事到如今，最煩惱的是身中這个囡仔，不久欲來

出世，你若無對爸母表明，允准你咱來結婚，阮

也無面通見社會的人，全望你毋通袂記著初戀的

勇氣才好

公園內 花芳味 花芳可比阮舊年

叮嚀哥 愛會記 毋通愛花無愛枝

阮心內為哥 無變愛到死

阮一生不知 幸福抑是悲

公園路 雨毛毛 單身行出病院門

幸福夢 今無向 愈想愈恨割心腸

為著伊有厝 變成毋敢轉

可恨伊放阮 母囝誰擔當

口白：薄情郎，阮是信賴你是一个人格者，是一

个有責任的人，誰知你所說的話，全是花言巧語

，一時做你走避，囡仔出世的日子漸漸逼近，已

經難得再瞞社會耳目，有厝變成毋敢倒轉去，母

囝的前途，叫阮欲怎樣才好咧

公園路春天後 兩爿蟲聲亂操操

薄情郎做伊走 這款愛人誰敢交

想幼囝出世 日子已經到

可恨伊僥心 絕情無回頭

口白：想起初戀彼時，每晚相親相愛，行著這條

公園路，是何等的甜蜜快樂，愛情結合期待幼囝

出世，會得創造一个幸福的家庭，再三再四望你

毋通袂記，無疑盡靠盡誤，變成一場空夢的青春

悲喜曲，文良，你真真害人不淺

公園路 孤單行 手提包袱哭出聲

求幸福 變歹命 咬牙切齒叫君名

無想阮應該 也著想親囝

可恨伊害阮 墜落黑暗城