【酒女夢】
目屎滴落胸前 怨嘆薄情
將阮十八的花蕊 採了放阮離去
無義的男兒 親像採花野蜂
口白:
(男)喂!查某,你是無歡喜是毋?哼!叫你陪酒,面憂憂,啥物意思?
(女)無啦!無啦!失禮乎!失禮乎!人客倌,失禮乎!
雖然心內悲哀 毋敢予人知
口白:
(女)自從我保持十八年寶貴的青春,為了一時感情的衝動
,煞來被一个男性騙去著我的身軀,當當達著目的了後,
伊就絕情絕義,放捒我做伊去,我的前途我的一切好親像
變成一隻的燕鳥墜落海上,隨著波浪溢來溢去四漂亂流,
我現在的生活變成日黃昏電火若光,著來提酒矸仔伴人客
,靠酒食酒而已,我的身軀好親像社會的社交禮物,查埔
人的𨑨迌物,公賣局的薰草枝,欶完就拋棄,啊!我的人
生我的命運哪會遮爾烏暗咧!
靜靜五更思君 薄情害人
放阮做著酒家女 有話無地講起
只有是薰酒 人客做阮伴侶
口白:
(男)喂!查某,來來來!咱來乾一杯,好毋?
(女)好好,多謝多謝!我嘛敬你一杯
手捀杯敬人客 佮伊啉一杯
無疑今仔日變成 可憐酒花
終身苦海的生活 未得見著光明
心中的苦痛 誰人替阮pan7 an
口白:
(男)小姐,你是有心事,是毋?講出來,我替你排解,好毋?
(女)無無,無啥物心事,來,咱來啉酒
心事若欲講起 目屎點點滴
文章標籤
全站熱搜
留言列表