【家後】作詞:鄭進一 作曲:鄭進一
有一日咱若老 揣無人共咱有孝
我會陪你 坐踮椅條
聽你講少年的時陣 你有偌𠢕
食好食䆀無計較 怨天怨地嘛袂曉
你的手 我會共你牽牢牢
因為我是你的家後
阮將青春嫁佇恁兜 阮對少年綴你綴甲老
人情世事已經看透透 有啥人比你較重要
阮的一生獻予恁兜 才知幸福是吵吵鬧鬧
等待轉去的時陣若到 我會讓你先走
因為我會毋甘 放你 為我目屎流
有一日咱若老 有新婦囝兒有孝
你若無聊 提咱的相片
看較早結婚的時陣 你偌緣投
穿好穿䆀無計較 怪東怪西嘛袂曉
你的心 我會永遠記牢牢 因為我是你的家後
阮將青春嫁佇恁兜 阮對少年就綴你綴甲老
人情世事嘛已經看透透 有啥人比你較重要
阮的一生獻予恁兜 才知幸福是吵吵鬧鬧
等待轉去的時陣若到 你著讓我先走
因為我會毋甘 看你 為我目屎流
文章標籤
全站熱搜
留言列表