【什麼樂】作詞:蔡振南 作曲:蔡振南{紅色字體:華語}
九九講是天公牌 空空講是地王牌 若著四四講會害
啊現代人是真趣味 出門行路是頭敧敧
正途的生理是放一邊 啊講啥物袂赴市
規粒頭殼是全牌支 1234567
啊透早起床來逼籤詩 中晝是電子計算機
半晡仔包壇來問童乩 啊暗頭仔𤆬來去看浮字
半暝仔喔 夢啊夢牌支
夢啥物 我夢著一隻豬 啊夢豬講十二
閣夢啥物 我夢著西湖靈隱寺 濟公活佛欲破天機
拄好欲破向當時啊 雄雄煞驚醒 雄雄煞驚醒
阮一个老厝邊 舊年簽甲向當時
毋捌著半支 想著是真厭氣
衰衰樂講袂歹奕 省本又多利
不出牌算三十隻 這改是百面等領錢
一下開講對對著七支
啊七朵花講較有錢 好䆀嘛著試
會仔錢先共提來奕 啊欲好額嘛著看這期
一下開講著三蕊 去予四蕊捧捧去 捧捧去
話若欲講透支 我目屎會拭袂離
啊會仔錢是逐陣死 貨款是全票期
親情朋友是走去覕 厝邊頭尾是借無錢
勸恁朋友著覺醒 啥物樂也扯予離 正當生理較濟錢
樂啊樂啊你毋通迷
樂啊樂啊你毋通奕
閣再奕會無彩錢
文章標籤
全站熱搜
留言列表