【台北帝國】作詞:王明輝 作曲:王明輝{紅色:華語}
古早古早 阮家蹛佇 這馬的忠孝東路
食的是 泔糜仔滾番薯箍
穿的是 麵粉袋仔做的短褲
出門步步著愛靠行路
三張犁行到火車頭 一逝路著愛行規晡
忠孝東路喔 閣較過去 閣較過去 閣較過去 閣較過去
就是墓仔埔
彼陣的生活實在有夠艱苦 十二三歲就去食頭路
每工就共師傅洗內衫褲 心內感覺實在無前途
心內感覺 覺覺覺覺覺覺覺 覺覺無前途
一步一步一步一步 咱的社會咧起步
技術攏靠阿啄仔來贊助 逐家攑香佇厝內拜耶穌
阿啄仔阿啄仔ありがとう 阿啄仔阿啄仔ありがとう
愛國獎券一張賣五箍 欲車螺絲著去三重埔
中山北路 攏是一陣奇奇怪怪的查某
Say yes my boy
Say yes my boy
原來是美金比咱臺票較大箍
原來是美金 金金金金金金金 金金較大箍
一一步步一步一步 一一步步一步一步 咱的社會在起步
少年仔愛奅坐HONDA 阿伯仔上班坐VESPA
載雞載鴨是YAMAHA 好額人漸漸咧駛TOYOTA
臺灣錢淹腳目 日本人趁袂煞 規陣招來北投奅酒家
可憐的戀花再會(吧)
可憐的戀花 花花花花花花花 花花再會(吧)
忠孝東路 這馬已經 一坪三四十萬箍
阮兜這馬已經真(闊淖) 正爿倒爿攏總五十戶
四十九間咧出租啊 四十九間咧出租
為著每個月收厝稅 愛倩會計師來幫助
如果政府若肯開放 我買戰車來保護
但是這是Impossible
看破保鏢著倩成龍佮藍波
看破保鏢著倩 倩倩倩倩倩倩倩 成龍佮藍波
一一步步一步一步 一一步步一步一步
忠孝東路閣較過去就是墓仔埔
文章標籤
全站熱搜
留言列表