【孤女的願望】作詞:葉俊麟 作曲:米山正夫
請借問佈田的 田庄阿伯仔
人咧講繁華都市 台北對佗去
阮就是 無依倚 可憐的女兒
自細漢 就來離開 爸母的身邊
雖然無人替阮安排 將來代誌
阮想欲來去都市 做著女工度日子
也通來安慰家己 心內的稀微
請借問路邊的 賣薰阿姐仔
人咧講對面彼間 工場是毋是
貼告示 欲用人 阮想欲來去
我看你猶原 毋是 幸福的女兒
雖然無人替咱安排 將來代誌
在世間總是著愛 自己拍算 較合理
青春是毋通耽誤 人生的真義
請借問門頭的 辦公阿伯仔
人咧講這間工場 有欲採用人
阮雖然 猶少年 攏毋知半項
同情我地頭生疏 以外無希望
假使少錢也欲忍耐 三冬五冬
為將來為著幸福 甘願受苦來活動
有一天總會得著 心情的輕鬆
文章標籤
全站熱搜
留言列表