【鼓聲若響】作詞:陳昇 作曲:陳昇
阿爸你敢猶有咧聽 聽著阮用心唱的歌聲
毋管落雨天 抑是風颱天 阮是走江湖的藝人
阿娘你敢也會知影 阮佇咧外口真正拍拚
毋敢來耽誤 當時的咒誓 袂予你親情頭前厭氣
若聽到鼓聲 阮的心情較快活
盤過了一山又一嶺 演唱阮甜蜜的歌聲
若聽到鼓聲 阮的心情會快活
無疑悟環境的拖磨 唱出阮悲情的歌聲
心愛的 你敢也會諒解 阮會來離開是不得已
三餐著愛食 毋通來畏寒 想著你毋敢來哭出聲
若聽到鼓聲 阮的心情會快活
盤過了一山又一嶺 演唱阮甜蜜的歌聲
若有聽到鼓聲 阮的心情會沉重
搖動不情願的尻川花 全為你風流的人客兄
若聽到鼓聲 阮的心情就快活
提出阮扭掠的本領 演唱阮哀怨的歌聲
若有聽到鼓聲 阮的心情就快活
毋通當做阮風度輕浮 全望你熱情的人客兄
歌聲誠迷人 阮的心情是暗淡
日日夜夜咧做夢 轉來去 我 我溫暖的故鄉
文章標籤
全站熱搜
留言列表